SCHINGUIS Khan

SCHINGUIS Khan
i. e. Rex Regum, Tartarici Imperii conditor, circa A. C. 1187. Fuit is fil. Suko-Baduri, Mogolum, qui Tartarica tribus erant, Principis, qui in aula Unkami Regis Magnae Tartariae Nestoriani, velut obses educatus, ac proditionis apud eum falso insimulatus, ad populares, qui tum e provinc. Korokoram versus Septentrionem in campestria Bargu migrârant, tributumqueve Unkamo pendere desierant, profugit, divanâqueve ad Imperium vocatione simulatâ, et omissô Temukint, quô prius vocabatur, nomine, Schinguis Khan appellari voluit. Rex creatus barbaros Scythas, hactenus inopem in re pecuaria agentes vitam, legibus et disciplinâ militari instruxit; quarum illae Iasak Schinguis Khan, i. e. Leges Regiae, dictae sunt, teste Haitone Armeno c. 17 Praecipue autem id suis inculcavit, ut suis, suotumque Successorum mandatis, caecum praestarent obsequium. Ita instructô exercitu contra Unkamum, in Tendukanis campis cum eo conflixit, victumque maiori ditionum parte exuit. Ex Tartaria dein Persiam ac Indiam aggressus, usque ad Tigrim et Volgam cunctis potitus est regionibus. Moriens inter quatuor filios ditiones ita divisit, ut Octai seu Hakota primogenitus maximam earum partem retineret, cum titulo Magni Chani et Regis Regum, ac superioritatis in reliquos fratres axiomate: Tuksi, alter filius, omnes provincias Occid. ad fluv. Volgam, nimir. Tartariam desertam, Russiam, Cumaniam, Bulgariam, Gothiam, Alaniam, alias: Tertius Schadagai, Orientalem Imperii partem, ut supra diximus etc. teneret. Qua de re vide Georg. Hornium Orb. Imper. cum Animadversion. Felleri p. 230. et seqq. Adde eundem Orb. Politic. p. 420. ubi primum hunc Tartarorum Imperatorem, superatô murô, Sinensibus bellum intulisse, circa A. C. 1206. sicque Tartaris ad vastum illud Imperium occupandum, viam stravisse ait. Certe post 73. annos hi voti compotes familiâ Sinensium Imperiali Sungâ, et plerisque Procerum exstinctis, novam constituerunt epocham, Ivenam, quae continuâ successionis serie novem dedit Imperatores per annos septuaginta, ut habet Auctor Anonym. Sinae et Eur. c. 48. vel nonaginta, ut Hornius ubi supra: donec Tartaris iterum pulsis Taiminga familia successit. Vide et supra Chingis Kan.

Hofmann J. Lexicon universale. 1698.

Look at other dictionaries:

  • CHINGIS Kan — Imperii Tartarici fundator. Tartari namque, postquam vel Turcarum, vel Nestorianorum Imperatori ex familia Karai, circa Sinam potentissimâ, obnoxii fuissent, quidam Tamachin, excusiô iugô et in Teduccanis campis superatô Ioanne Imperatore… …   Hofmann J. Lexicon universale

  • TARTARI — populi partim Asiae, partim Europae, qui olim Scythae appellabantur, nomen acceperunt a tribu Tartar, ex qua senex quidam, Cangio appellatus, vir obscuri quidem generis, verum prudentiâ et sanctitatis opinione insignis, natus, Rex atque Imperator …   Hofmann J. Lexicon universale

  • TIMUR — cognomine Lenck, i. e. claudus, vulgo Tamerlanes, eirca A. C. 1370. Tartarorum res mutuis dissidiis pene collapsas, velut alter Schinguis Khan, ad summam iterum et longe maiorem, quam unquam, meiestatem perduxit: omnium terrarum a China usque ad… …   Hofmann J. Lexicon universale

  • VNKAM — seu Iohannes Unad Cham, Rex magnae Tartariae Nestorianus, cum videret Mogolûm, qui Tartarica tribus erant, potentiam succrescere, distribuere eos per provincias passim statuit, ut distractis viribus nocere minus possent, circa A.C. 187. Quod… …   Hofmann J. Lexicon universale

  • ZAVOLHENSE Regnum — Tartariae Occidentalis, olim potentissimum, iam nomen quoque perdidit. Cum enim Schinguis Khan, magnusille Tartarici Imperii conditor, filio suo Tuksi omnes provincias Occidentales ad fluv. Volgam dedisset, uti supra dictum, post varias rerum a… …   Hofmann J. Lexicon universale

  • MOGOLES — Gallis les Mogols, populi Asiae, qui ex Tartaria Meridionali profecti, maximam partem Indiae intra Gangem sui iuris fecerunt, versus Boream, sub initium saeculipraeteriti. Unde Mogolum regio, pars Asiae vastissima, quae aliter India vera seu… …   Hofmann J. Lexicon universale

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.